قفلة دبل — لعبة ضومنة سعودية

وش هي الضومنة؟

الضومنة، أو مثل ما يكتبها بعضهم «ضومنه» أو «دومنة»، هي لعبة الدومينو اللي تجمع الشباب في الاستراحات والجلسات من زمان. قفلة دبل تجيب لك نفس الجلسة على جوالك: تلعب ضومنة أون لاين مع أصدقائك أو مع لاعبين من كل مكان، أو تتدرّب ضد الكمبيوتر لين تتقنها.

في اللعبة ٢٨ حجر، من البياضة (٠-٠) لين الشيش (٦-٦)، وكل لاعب ياخذ سبعة أحجار. أربعة لاعبين في فريقين، كل اثنين متقابلين فريق، والدور يمشي لليمين. تركّب حجرك على الطرف اللي يناسب رقمه، واللي ما عنده حجر يركب يقول «جلى». الصكة من ١١ نقطة، واللي يخلّص أحجاره أول يضمّن ويعدّ أحجار الخصم: كل ١٠ بنط بنقطة.

تعلّم الضومنه من الصفر

لو أنت جديد وتبي تتعلّم الضومنه، ابدأ بصكة تدريب ضد الكمبيوتر، وشرح القوانين موجود داخل اللعبة. أهم شي تفهمه: القفلة. لو تتوقع إن حجرك بيقفل اللعب، أعلن «قفلة» قبل ما ترميه، والأقل عدّ يفوز. وفي «قفلة دبل» البنط ينحسب دبل، والقفلة بدون إعلان تصير غشامة. وانتبه للصيام: فريقك ما تنحسب له نقاط لين يفطر بنقطتين أو أكثر في جولة وحدة.

وإذا تبي تحدّي أكبر، جرّب نظام القيد: الغش مسموح، تقدر تركّب حجر ما يركب أو تقول جلى وعندك لعب، بس الخصم يقدر يقيّدك، والقيد الصح يعاقب الغشاش. العب الحين مجانًا على الجوال أو الكمبيوتر، وادعُ أصدقائك لصكة دومينو مثل جلسات زمان.